Chairman Message

emblame_small
Van Hela Pachuau IAS
Chairman
Mizoram Finance Commission
1st Floor, AIS Officers' Transit Accommodation
New Secretariat Complex, Khatla, Aizawl
Ph : (0389)2333213
(0389)2333114
Email : mizofin@gmail.com

MESSAGE

A ṭumkhatna atan Mizoram Finance Commission chu din alo ni ve ta a. State Finance Commission mawhphurhna (Terms of Reference/ToR) pawimawh ber chu Local Self-government Unit anga kan neih, heng Aizawl Municipal Council te, Village Council te leh Autonomous District Council ten ṭha taka an mawhphurhna te an hlenchhuah theihna tura sum leh pai an mamawh te zirchiang a, an sum mamawh ang ang te State Sorkar-in mumal taka a pek theihna tura rawtna siam te leh an tana sumhnar awm thei tur ang ang dapchhuahsak te; tualchhung Sorkar ten sum leh pai a dinhmun tha zawk an lo neih theihna atana kalphung leh ruahmanna ṭuldang siam te a ni ber mai. Tin, heng bakah hian Commission in a ngaihtuah atana chhawpchhuah thildang pawh ala awm nual bawk.

He Mizoram Finance Commission hi Mizoram tan thil thar, tualchhung Sorkar ten Local Self-government Unit an nih anga Financial Autonomy an neih theihna atana hmalakna rahbi thar leh pawimawh tak a ni a. A pawimawh avang leh thil thar a nih avang hian stakeholder zawng zawng ten zalen takin an ngaihdan leh rawtna te thlen ngei se tih hi Commission duh dan a ni. Lehkha ziaka ngaihdan leh rawtna thawh duh tan hmun a awm a, chumi bakah he website kaltlang hian mi tute pawh in rawtna te ngaihdan te han thawh se tih hi duhthusam a ni.

He website hi Commission-in a mawhphurhna ṭha taka a hlenchhuah theihna atana hmanraw ṭangkai , mithiam leh mi nawlpui, sawi duh nei apiang te nena inbiakpawhna remchang atan ka hlan a. Chumi atana he website design kalhmang hrim hrim tichangtlung tura rawtna emaw thurawn pe duh kan awm pawhin Commission chu a inhawng reng a ni. A tawp berah chuan hetianga website min siam sak tu NIC Mizoram- a Officer te leh technician te chungah lawmthu ka sawi bawk e.


(VAN HELA PACHUAU)



(Click here to view pdf file)