Terms of reference of Mizoram Finance Commission

3. Commission chuan heng thu ah te hian rawtna a siam ang:-
(1) (i) Village Council te, Aizawl Municipal Council leh Autonomous District Councils ten dan hnuai a mawhphurhna an neih mek te leh, para 4 (iv) a tarlan anga Commission in mawhphurhna dang pek belh tura a rawt te pawh huamin, tha taka an mawhphurhna an hlenchhuah theihna atana State Sorkarin chhiah chi hrang hrang a khawn khawm theih atanga pawisa a pek chhuah ve zat tur bithliah leh chutianga a pekchhuah pawisa tling khawm te chu Village Council te, Aizawl Municipal Council leh Autonomous District Councils ten an insem darh leh dan tur a tehfung hman tur ah te rawtna a siam ang.
(ii) Village Council te, Aizawl Municipal Council leh Autonomous District Councils te thuneihna hnuaiah eng chhiah te nge hlan tur tih emaw, a chhiah anga hlan lova khawnkhawmsa an hman atana pek mai zawk tur nise, eng chhiah hi nge ni ang tih ah rawtna a siam ang
(iii) Village Council te, Aizawl Municipal Council leh Autonomous District Councils te hnena Mizoram Sorkar in thil bik atana tanpuina pawisa (grant-in-aid) a pek chhuah dawna kalphung tur a duang ang.

(2). Village Council te, Aizawl Municipal Council leh Autonomous District Councils ten sum leh pai dinhmun tha zawk an loh neih theihna tura an hmalak dan tur hrang hrang a rawt chhuak ang.

4. A chunga rawtna a siam dawnah, Commission chuan a hnuaia mi te hi a hre tel in a ngaihtuah tel tur a ni ang:-
(i) Kum 2012-13 tawp a chhiah chi hrang hrang a lakkhawm theihzat tur innghahna a hmangin, ni 1 April, 2013 atanga tana kum nga (5) lo awm tur chhunga Mizoram Sorkar sum neih zat tur
(ii) State Sorkar-in loh-theih-loh a sum a hmanna tur, a bik takin ram in awpna (civil administration), dan leh thupek kenkawhna, leiba rulhna leh a dang te a hre tel tur a ni
(iii) XIII-FC rawtna anga Mizoram Sorkar sum leh pai dinhmun hrisel zawk a a awm theihna tura thil zawm ngei ngei ngai awmsa te a hre tel tur a ni.
(iv) Ni 1, April, 2013 atanga chhiar a kum 5 lo awm tur chhunga Village Council te, Aizawl Municipal Council leh Autonomous District Councils te hnenah eng mawhphurhna nge State Sorkar kut atanga la chhuakin an hnenah pek belh a nih ang tih ah rawtna a siam ang a; chutianga rawtna a siam a nih chuan, Sorkar hnuaia chung mawhphurhna thawk mektu Sorkar hnathawk te chu Village Council te, Aizawl Municipal Council leh Autonomous District Councils te hnuaia suan luh dan tur ah rawtna a siam tel ang.
(v) Tualchhung Sorkar ten sum leh pai hnianghnar zawk leh midang rinchhan lova an din theihna tur atana property tax an khawn ve theihna tur atana State Sorkar hmalakna tihchak dan tur.
(vi) Khuarel chhiatna tenau (leimin, etc) kan pumpelh theihna atan leh chutiang chhiatna kan tawk a nih pawh a khaw tin veng tin mahni a an kal theih dan tur ah rawtna a siam ang.
(vii) Kan ecology, environment leh sik leh sa kan hmasawnna mil a kan vawn that theihnan, veng/khaw tin ten mahni veng huam chhunga thing leh mau nungcha an humhalh theihna atana hmalak pui dan tur a ngaihtuah tel ang.
(viii) Mipui sum reng reng, hman a nih chhan ang taka rah tha tun aia a chhuah zual zawk theihnan veng tin khaw tin ten mit leh beng an lo chhit a, an lo venpui theihna tur remchang siam dan kawng ngaihtuah ang.